Mi kredas, ke en multaj kazoj la vorto kondiĉo peras la ĝustan signifon.
- Kondiĉplenuma problemo
- Kondiĉverkado
Pro la komentoj, mi aldonas la signifon de "kondiĉ/o" lau PIV sube. La dua signifo tre bone kaptas la esprimbezonon en
constraint satisfaction problem --> problemo plenumi kondiĉojn, t.e. devigan interkonsentitan aranĝon
ekz. donu al ĉiuj partoprenantoj tiom da papero, ke ĉiu ricevu la saman kvanton kaj ke restas cent folioj por la sekva renkonto.
constraint writing --> verkado respektanta devigan interkonsentitan aranĝon
kondiĉ/o
1 Cirkonstanco, fakto, de kiu dependas la efektiviĝo de io: unueco estas la ĉefa kondiĉo de nia sukceso; fari el io la unuan kondiĉon de ioZ; la kondiĉoj de bona regado; plenumi la kondiĉojn postulatajn por konkursi; la kondiĉoj (donitaĵoj) de problemo; necesa k sufiĉa kondiĉo; ĉe egalaj kondiĉoj.
2 Deviga interkonsentita aranĝo, de kies respekto dependas la valideco de aranĝo, kontrakto: diskuti la kondiĉojn de pactraktato, de domaĉeto; meti al io la kondiĉon, ke […]Z; sub la kondiĉo de alpago oni konsentis sendadi al ŝi tagmanĝojnZ; kun la samaj kondiĉoj, kun kiuj laboras ĉiuj ĉi tiuj sinjorinojZ; li ellernos nian lingvon kun la kondiĉo, ke ni elĵetu la vorton «kaj»Z. ☞ klaŭzo.
3 (ordinare: plurale) Ĉiu el la eksteraj cirkonstancoj, al kiuj persono aŭ objekto estas submetata, k de kiuj dependas lia aŭ ĝia stato: reguligo de la kondiĉoj de la vivoZ; batalado kontraŭ la premantaj kondiĉoj de la ekzistadoZ; samaj kondiĉoj, samaj superstiĉojZ; planto elmetita al favoraj kondiĉoj de temperaturo; la ekonomiaj kondiĉoj; esti en bonaj, mizeraj kondiĉoj, por efike labori."