Esperanto Language Stack Exchange is a question and answer site for teachers and students of the Esperanto language. It only takes a minute to sign up.
Sign up to join this community
Kun ĉi tiaj frazoj, kiam oni uzu "pensi" kaj "kredi"?
Mi pensas, ke ĉio estas preta por la festo
aŭ
Mi kredas, ke ĉio estas preta por la festo
Mi pensas, ke mi volas iri
aŭ
Mi kredas, ke mi volas iri
Kio estas la specifaj signifoj de pensi kaj kredi?
Mi kutime aŭdas "pensi" uzate tiel ĉi, sed ĉu tio estas ĝusta aŭ eraro?
Ĉu estas alia verbo ke estas pli bona ol ambaŭ? Aŭ ĉu kaj pensi kaj kredi estas ĝustaj? Aŭ ĉu nur unu el ili?
Vortaraj difinoj de tiuj verboj (kredi, pensi) povas helpi vin elekti la plej taŭgan.
Oni povus resumi la signifon de kredi tiel: konsideri ion vera, sen peti/voli/postuli iun ajn pruvon. Kiam oni kredas oni ne vere pensas aŭ analizas, oni akceptas veron.
Do tiuj ĉi frazoj
Mi kredas ke mi volas iri
Mi kredas ke ĉio pretas por la festo
estas strangaj aŭ postulas tre specifajn kuntekstojn.
Pensi povas rilati kaj opiniojn kaj supozojn kaj do, por la dua frazo en via demando, estus bona elekto:
Mi pensas/opinias/supozas ke ĉio pretas
Opinojn oni povas ankaŭ montri per pli simpla laŭ mi:
Laŭ mi ĉio pretas
Por la dua frazo, pensi bonas, kvankam oni povus ankaŭ uzi senti, inklini, emi...
Mi sentas ke mi volas iri
Mi pensas ke mi volas iri
Mi inklinas iri
Mi emas iri
PIV donas pri "kredi" kvin difinojn, kiuj ĉiuj komune havas sencon, ke oni ne postulas pruvon, simple rigardas ion kiel verdiritan. Ekzemploj (ĉiuj de Z):
"Pensi" havas kvar difinojn kun pluraj subdifinoj, kiuj ĉiuj komune havas nuancon, ke oni cele aŭ intence praktikas "la kapablon, per kiu ni formas kaj kunligas ideojn". Notu, ke oni ne ĉiam povas anstataŭgi "pensi" per "kredi" kaj tial ŝanĝi de "praktiki kapablon" al "senpruve akcepti". Ekzemploj:
En ĉi tiu kunteksto indas mencii du aliajn verbojn.
"Opinii" estas kiel "kredi", senpruve "rigardi iun aŭ ion kiel havantan ian econ". La malsimileco estas, ke oni uzas "opinii" pri eco kaj "kredi" en aliaj okazoj. Ekzemploj (ambaŭ de Z):
"Konjekti" estas kiel "opinii", sed anstataŭ nur senpruve kredi, oni bazas sian opinion sur probablaĵoj. Ekzemploj (ambaŭ de Z):
