Saluton. Duolingo diras: "Mia praavo venas el Ĉinio."
Kiam oni uzas veni en tiaj frazoj, oni ofte priskribas la originon. (Samsignifa vorto por origino estas deveno).
Se la praavo ankoraŭ vivas, lia origino ne ŝanĝiĝis nek ŝanĝiĝos kaj plu estAS el Ĉinio. Pro tio vi devus uzi la -as formon.
Ankaŭ vi povus uzi la -as formon dum iom da tempo post la alveno. La daŭro de veno estas tamen subjektiva; dum li serĉas loĝejon en la nova lando oni povus diri ke li ankoraŭ ne plene alvenis, kaj do plu diri li venAS el Ĉinio.
Se la alveno okazis antaŭ tre longe, se la praavo mortis aŭ se vi celas la faktan translokiĝon (sed ne lian originon), vi devus uzi la -is formon.
La familio, parencaro de mia avo originas el Ĉinio.
En tiu frazo la sentempa -as estas klara. Por unu specifa persono, kaj precipe la verbo ven- oni povus pensi pri konkreta momento en historio, per ŝipo.
Same validus, se oni uzus la preteriton en la angla: came.
Alimaniere du plus du egalas al kvar; egalis kaj egalos. Same la praavo originas el Ĉinio kaj en la estonteco neniam subite originos el alia lando. (Kontraŭe al iu epidemio kiu povus ŝanĝi sian originon.)
