En alia demando, unu uzanto skribis la jenan frazon:
Mi pensas, ke gravas ekzisti komunumon kie oni nur parolas esperante
Mi kredas ke tio ne estas gramatike ĝusta, ĉar ekzisti ne povas havi objekton. Ĉu eblus simple forigi la akuzativon de komunumon por ke la infinitivo ekzisti rekte havu subjekton kiel ĉi tio:
… gravas ekzisti komunumo …
aŭ ĉu necesas vortumi ĝin alimaniere?
La frazo sendube estas malbona pro diversaj kaŭzoj, sed certe povas esti infinitiva subjekto. Tio estis la temo de tiu fadeno en kiu ankaŭ vi respondis.
La problemo ne estas la infinitivo...
Mi pensas ke la problemo estas semantika. Oni povas diri ke ekzisto gravas, sed la senso de la frazo ne estas ke ekzisto gravas, sed ke la komunumo ekzistu. Tial la verbo estu en la u-formo en la fina frazo.
Mi kredas ke mi iomete miskomprenis vian demandon, ĉar mi vortumus ĝin jene: Ĉu eblas infinitivo kun subjekto?
