Mi konas kaj mi aŭskultas esperantajn retradiojn kiel Muzaiko-n ktp, sed kompreni ilin estas tro malfacile por mia esperanta nivelo.
Do, ĉu iu konas kie mi povas trovi (tre) facilajn esperantajn podkastojn? Ĉu io ekzistas por komencantoj (senspertaj kiel mi)?
Por komencanto, la plej bona loko estas Youtube.
Oni povas trovi multajn videojn, fojfoje kun teksto.
Vikifilmetoj — simplaj laŭtlegoj de artikoloj (aŭ partoj)
BookBox (Esperanto) — rakontoj por infanoj
Saluton, Ĉinio! — mallongaj videoj pri la kulturo de Ĉinio
Eblas elŝuti la aŭdaĵon kaj uzi ĝin kvazaŭ podkasto.
Aŭskultu, konsultu vian vortaron por nekonataj vortoj, kaj ripetigu la videojn tiom kiom necesas. Neniam rezignu!
Mi rekomendas Facila Vento kiu estas retejo kun facilaj tekstoj kiuj estas laŭtlegitaj. Estas du versioj de la sonoj, unu pli malrapida ol la alia, kaj estas ligiloj al difinoj por la plej malfacilaj vortoj. Bedaŭrinde ĝi ŝajne ne plu tiom aktivas, sed almenaŭ la arĥivo povus esti utila. En la subo estas ligilo al la fluo de RSS kiu funkcias en podkastilo.
Eble vi povas trovi ion ĉe STUDIO: http://novajhoj.weebly.com/
Ĝi enhavas listojn da filmoj kaj podkastoj kiuj ĝisdatiĝis preskaŭ ĉiutage, mi kredas.
En mia sperto, kiel komencanto kaj nun komencinto (nu, eble), ĉiujn podkastojn kiujn oni aŭskultis ne estas tre facile komprenebla komence, sed post kelkaj semajnoj, se oni aŭskultas ilin ĉiutage, oni trovos, ke plifaciliĝos kompreni ilin.
Aktuale, mi aŭskultas kaj ĝuas la ĉiusemajnan podkaston Kern.Punkto: https://kern.punkto.info/
Pasintece, mi aŭskultis Radio Verda: http://radioverda.com/
