Jen estas frazoj simplaj, en kiuj estas parolo nerekta.
Mi rimarkis, ke ŝi preparas manĝon.
Li diris, ke ri venos je semajno poste.
La tempo de tia ke-frazo estas relativa al tiu de la ĉeffrazo, ĉar en tia frazo estas parolo nerekta...sed kiam (se iam ajn) ne estas tiel? Alivorte, kiam la tempo de ke-frazo ne estas relativa al tiu de la ĉeffrazo? Mi demandas, ĉar mi volas fari esprimon kiel, ekzemple
Antaŭ longe, dum la Epoĥo de la Monadoj, estis tiel, ke ĉiu homo mem iutage fariĝos monado.
aŭ
Tiu monado estis tia, ke preskaŭ ĉiu ĝin volas tuŝi.
kaj tiel plu.
Anstataŭ "[...] estis tiel, ke [...]", mi povus diri "[...] ĉiu homo mem estis iutage fariĝonta monado" sen meza frazo, kaj simile por la alia. Tamen, mia demando temas specife pri tio, ĉu "esti tiel/tia, ke" (kaj tiaj frazeroj) povas enkonduki parolon nerektan, kaj ĉu la tempo ankaŭ tiuokaze estas relativa al tiu de la ĉeffrazo.
