Kio estas la diferenco inter scivola kaj scivolema?

Question

Mi preskaŭ ĉiam aŭdas scivolema, sed nun iu demandis min se oni ne povas simple diri scivola. Mi pensas ke la -ema estas bona, sed kio fakte estas la diferenco inter la du vortoj?

Ekzemplo:

• Mi estas scivolema. Mi volas scii ĉion pri tio.
• Mi estas scivola. Mi volas scii ĉion pri tio.

Answer 1

Uzu scivola aŭ scivoli kiam temas pri sola afero, kaj scivolema por priskribi personecon.

Ekzemple:

Mi scivolas pri via libro.

Kio estas tio? Mi scivolas.

Ŝi estas scivolema knabino.

Mi demandas multe pro tio ke mi estas scivolema.

Answer 2

Certe kelkaj personoj miksas la du signifojn, sed ĝenerale, scivola estas portempa afero.

• vi ja ne povas kaŝi, ke vi estas iom scivola.

Kaj scivolema estas pli malpli konstanta trajto:

• Alico [estas] afabla, bonkora, scivolema knabino.

Ankaŭ okuloj, rigardoj, kaj vizaĝoj povas esti scivolaj.