0

Ŝajnas al mi, ke plejofte homoj uzas la u-modon por ĉi tiaj frazoj:

Mi volas, ke ni iru

Mi petas, ke vi helpu min

Kaj mi ŝatas ĉi tiun uzon. Tamen, mi konfuziĝas pri kiam oni devas uzas la u-modon, ekzemple kun "esperi".

Mi esperas, ke vi amuziĝos/u

Eble en kelkaj kuntekstoj, "Mi esperas, ke (substantivo) (u-verbo)" estus la plej bona, sed jen kelkaj frazoj en kiuj alia finaĵo ŝajnas pli bona:

Mi esperas, ke vi havos bonan nokton ĉe la festo! (-os, ĉar mi esperas, ke ĉe la festo, estos bona por vi, en la estonteco. Eble oni povus diri "-u", sed mi volas esprimi la ne-jam-okazecon de la ago per -os.)

Mi esperas, ke vi havas bonan tagon! (-as, ĉar mi esperas, ke la tago nun estas bona por vi.)

Mi esperas, ke vi amuzigxis dum la semajnfino! (-is, ĉar mi esperas, ke dum la semajnfino, vi amuziĝis. Mi volas esprimi la pastintecon de la ago, ĉar la semaĵfino jam pasis.)

Eble en ĉiuj tiuj kuntekstoj, la -u finaĵo funkcius, sed ĝi ne ŝajnas esti la plej bona.

Mi do scivolas, ĉu oni devas uzi la -u finaĵon ĉiam kun ke-frazoj? Ĉu, se mi volas, mi povas uzi alian finaĵon? Ŝajnas ke eble ne, ĉar laŭ PMEG:

U-modo estas uzata en ke-frazoj, se la ĉeffrazo iel montras volon, celon, opinion k.s.

Kaj esperi ŝajnas montri volon. Tamen, ial mi daŭre pensas ke eble kun "esperi" estas malsame. Ĉu ĉi tio estas nur eble antaŭkredo pro mia denaska lingvo (la anlga) kaj mi nur forgesu ĝin kaj ĉiam uzu la -u finaĵon kun esperi? Aŭ ĉu ne uzi la -u finaĵon en ĉi tiuj kuntekstoj estas en ordo?

Improve this question
3
  • Laŭ mi "Mi pensas, ke ĝi estu bona" estas malĝusta frazo.
    – Eduardo Trápani
    Commented Dec 27, 2021 at 23:59
  • Tio estas bona ideo, sed mi pensas ke gxi povus esti en gxusta. "Mi pensas, ke gxi estu bona" signifas "I think, that it should be good". Tamen, vi pravas, ke kvankam gxi gxustas, gxi ne vere rilatas al mia demando eble. Mi redaktos kaj aldonos alian ekzemplon :-)
    – Olivro18
    Commented Dec 28, 2021 at 17:43
  • Cxu "Mi petas, ke vi helpu min" estas pli bona ekzemplo laux vi?
    – Olivro18
    Commented Dec 28, 2021 at 17:45

1 Answer 1

Reset to default
1

Laŭ Reta Vortaro: Kredi, ke tio, kion oni deziras, realiĝos:

Laŭ PIV: Atendi kun fido la realiĝon de tio, kion oni deziras

Oni ne povas uzi plurajn modojn verbajn samtempe. Tio signifas ke bezonatas elekti unu el ili (-us, -as, -os, -is, -u).

En ke-frazo kiu sekvas voli, peti, deziri,... oni kutime elektas la -u formon, ĉar volo estas ĉefa trajto.

En ke-frazo kiu sekvas esperi oni kutime elektas la -os formon, ĉar esperi rilatas atendon aŭ kredon je nepre estonta okazo de io. Oni povus tamen emfazi la nuancon de volo per la -u formo.

El PMEG:

Mi esperas ke vi plenumos mian peton kiel eble plej baldaŭ.OV.487 ≈ Mi atendas kun fido, ke vi efektive plenumos mian peton...

Normale oni uzu la realan modon post esperi, sed oni povus eble uzi U-modon, se oni volas aldoni nuancon de volo: Mi esperas, ke vi venu. = Mi esperas kaj volas, ke vi venu.

Improve this answer
3
  • Nur por certigxi, vi pensas ke uzi ankaux -is kaj -as estas bona, cxu ne? Kiel en "Mi esperas, ke vi amuzigxis dum la semajnfino!"? La esperata amuzigxo jam estus okazinta, sed la atendo aux kredo estas pri cxu la amuzigxo ja okazis, do laux mi cxi tiu uzo estas gxusta kaj bona kiel kun -os. Vi samopinias, cxu ne?
    – Olivro18
    Commented Dec 28, 2021 at 17:57
  • En tiu frazo mi pensas ke vi atendas kion la alia diros, kaj tio ja estas estonteca. La objekto de la espero estas tiu konfirmo. La subkomprenata frazo estas miaopinie: "mi esperas ke [vi diros ke] vi amuziĝis semajnfine".
    – Eduardo Trápani
    Commented Dec 28, 2021 at 18:02
  • Interese, jes! Dankon! Aux eble ankaux "Mi esperas, [ke mi ekscios], ke vi amuzigxis semajnfine". Bona ideo! :-)
    – Olivro18
    Commented Dec 28, 2021 at 18:05

Your Answer

By clicking “Post Your Answer”, you agree to our terms of service and acknowledge you have read our privacy policy.

Not the answer you're looking for? Browse other questions tagged or ask your own question.