Ĉu jam ekzistas vorto aŭ akceptita esprimo en Esperanto por la angla vorto jobsworth? (Tio ĉi signifas "laboristo, kiu rifuzas esti fleksebla rilate la regulojn de sia laboro por helpi klientojn (ŝajne pro timo perdi sian laboron).")
3 Answers
Eble la vorto pedanto estus sufiĉe proksima se oni aldonas iom da kunteksto. Ekzemple:
Mi telefonis la bankon por peti prokrasti la limdaton de mia ŝuldo, sed respondis pedanto pri la reguloj kaj ri rifuzis.
Oni povus eĉ kombini tion en unu vorton:
La regulpedantoj ĉe la banko neniam volas helpi min.
answered Jan 26, 2019 at 13:18
-
Mi precipe ŝatas vian sugeston de "regulpedanto"; mi pensas, ke tio ĉi esprimas pli-malpi la saman ideon kiel la angla vorto.– MiztliCommented Jan 26, 2019 at 16:22
Mi ankoraŭ volas mencii burokrato, vidu Retan Vortaron
burokrato 2. ↝ (malŝate) Persono, kiu rigore sekvas la administrajn regulojn kaj rutinojn, sed ignoras la bazan celaron de la laboro aŭ la demokratian devon reagi al publikaj kritikoj: la burokrataj formalaĵoj, ĉikanoj.
answered Jan 28, 2019 at 14:06
Mi vidis la artikolon "Ĉikanado" en Vikipedio (https://eo.wikipedia.org/wiki/%C4%88ikanado). Oni eble povus paroli pri "ĉikanemulo"?
-
1Mi pensas ke tiu vorto estus pli kiel bullying en la angla. Laŭ mia kompreno jobsworth ne vere intence agas malice, sed nur tro emas obei la regulojn eĉ kiam tio malhelpas klientojn aŭ kolegojn. Commented Jan 26, 2019 at 13:20